 Home |
 Netzwerke |
 Sozial |
 Zitate |
 Gedichte |
SEO |
 Impressum |
Michael Georg Conrad
Mara Motter (Michael Georg Conrad)
*
I siach di nou, zwar lang it's har,
wia d'jung g'wa bist, a schäni Fraa,
und flink und eifri, mit lachada G'sicht
stäts bei dar Arbet, früah und spät -
Und ke bäs Wort fer die bäsi Kind',
nor Liabs und Guats. O reiches Harz
zor
Frühlungszeit!
I siach di nou, 's it aa lang har,
wia d'duldet hast viel Harzaläd,
und manchi Nacht nit g'schlaffa hast
vor schwarer Sorg und Kümmernis.
Und ke bäs Wort fer die bäsi Walt,
nor Liabs und Guats. O storkes Harz
zor
Summerszeit!
I siach di nou, wias d' stiller werst,
mit g'falti Händ: Etz wia Gott will!
Die Kind' sen fort, sie sen versorgt,
as Laba nimmt sein' neua Gang.
Und ke bäs Wort fer die Einsamkeit,
nor Liabs und Guats. O frommes Harz
zur
Herbsteszeit!
Und Winter werd's. Du bist schnäweiß,
a alt's, gebrachli's Fräla etz.
Von weit har kumma dei Kinder heem.
Mit Kindeskind'! Und wieder jung
lacht's aus dei'm G'sicht wie Sunnaschei';
nor Liabs und Guats! O Motterharz
zur
Weihnachtszeit!
* Meiner Mutter.
Verfügbare Informationen:
Erschienen im Buch "Vom goldnen Überfluss"
ISBN: Unbekannt
Herausgeber: R. Voigtländers Verlag
Mehr Conrad Gedichte? Bitte klicken Sie Michael Georg Conrad.
Gedichte aller Autoren finden Sie in unserem Index.