 Home |
 Netzwerke |
 Sozial |
 Zitate |
 Gedichte |
SEO |
 Impressum |
Wolfram von Eschenbach
Ursprinc bluomen, loup ûz dringen (Wolfram von Eschenbach)
(um 1170 - um 1120)
Ursprinc bluomen, loup ûz dringen
und der luft des meigen urbort vogel ir alten dôn:
etswenn ich kan niuwez singen,
sô der rîfe ligt, guot wîp, noch allez ân dîn lôn.
di waltsinger und ir sanc
nâch halben sumers teile in niemens ôre enklanc.
Der bliclîchen bluomen glesten
sol des touwes anehanc erliutern, swâ si sint:
vogel die hellen und die besten,
al des meigen zît si wegent mit gesange ir kint.
dô slief niht diu nahtegal:
nu wache abr ich und singe ûf berge und in dem tal.
Mîn sanc wil genâde suochen
an dich, güetlich wîp: nu hilf, sît helfe ist worden nôt.
dîn lôn dienstes sol geruochen,
daz ich iemer bite und biute unz an mînen tôt.
lâz mich von dir nemen den trôst,
daz ich ûz mînen langen clagen werde erlôst.
Werdez wîp, dîn süeze güete
und dîn minneclîcher zorn hat mir vil vröide erwert.
maht du troesten mîn gemüete?
wan ein helfelîchez wort von dir mich sanfte ernert,
mache wendic mir mîn clagen,
sô daz ich werde grôz gemuot bî mînen tagen.
Verfügbare Informationen:
Erschienen im Buch "Das große deutsche Gedichtbuch"
ISBN: 3-610-08006-X
Herausgeber: Athenäum Verlag GmbH
Mehr Eschenbach Gedichte? Bitte klicken Sie Wolfram von Eschenbach.
Gedichte aller Autoren finden Sie in unserem Index.