 Home |
 Netzwerke |
 Sozial |
 Zitate |
 Gedichte |
SEO |
 Impressum |
Klaus Groth
Still, mien Hanne (Klaus Groth)
Still, mien Hanne, hör mi to!
Lüttje Müse piept in't Stroh,
lüttje Vageln slapt in 'n Boom,
röhrt de Flünk un piept in 'n Droom.
Still, mien Hanne, hör mi an!
Buten geiht de böse Mann,
baben geiht de stille Man':
"Kind, wull hett dat Schriegen dan?"
Över 'n Boom so still un blank,
över 't Hus an 'n Heben lank,
un wo he frame Kinner süht,
kiek mal an, wat lacht he blied!
Denn seggt he to de böse Mann,
se wüllt en beten wieder gahn;
denn gaht se beid, denn staht se beid
över 't Moor un över de Heid.
All in 't Gras de geelen Bloom 'n!
Vageln piept in 'n Appelboom;
still un mak de Oogen to,
lüttje Müse piept in 't Stroh.
Mehr Groth Gedichte? Bitte klicken Sie Klaus Groth.
Gedichte aller Autoren finden Sie in unserem Index.